На 24 декември 2014 година, во просториите на Деканатот на Медицинскиот факултет во Скопје, претседателот на Националната асоцијација на престижни академски граѓани (НАПАГ)  д-р Виктор Ѓорѓиески и претседателот на Сојузот на Студенти по Медицина на Македонија, Стефан Василевски потпишаа Меморандум за соработка со што ја официјализираа соработката меѓу двете организации. На свечениот чин двајцата претседатели се заложија за организирање заеднички активности од интерес на членовите на двете асоцијации.

Оваа соработка претставува дванаесеттата официјална соработка со студентска асоцијација во Република Македонија.