МЛЕКАРА АД БИТОЛА – БИМИЛК, како водечка иновативна компанија со висок степен на општествена одговорност, продолжува со праксата на поддршка на иницијативи за личен развој на најталентираните студенти од Република Македонија. За таа цел, во соработка со Националната Асоцијација на Престижни Академски Граѓани (НАПАГ), го распишуваат овој оглас за

СТИПЕНДИИ

на 10 најдобри студенти од ветеринарните, техничко-технолошките и економските факултети во Република Македонија за присуство на сертифицираната академија за развој на креативни, иновативни и бизнис-вештини

 BIMILK ACADEMY

 

1. УСЛОВИ ЗА ДОДЕЛУВАЊЕ НА СТИПЕНДИЈАТА

– Студентот да има комплетирано најмалку една година од студии на прв циклус, на било кој од ветеринарните, техничко-технолошките и економските факултети во Република Македонија

– Студентот да има просек повисок од 8.50

2. ПОТРЕБНИ ДОКУМЕНТИ

– Фокопија од потврда или страница во индекс за заверен трет семестар или повеќе

– Приложен индекс

– Краткa биографија (CV)

3. НАЧИН НА ПРИЈАВУВАЊЕ

– Студентите да се пријават електронски на [email protected] или на телефонскиот број 071 259 345 со оставање на податоци за нивно име, презиме, факултет, година, просек, контакт-телефон и email.

4. РОК НА ПРИЈАВУВАЊЕ

– Последниот рок за пријавување е 20.03.2015 година

5. ОПИС НА СТИПЕНДИЈАТА

– Ќе се стипендира личниот развој на 10 најуспешни студенти од ветеринарните, техничко-технолошките и економските факултети во Република Македонија кои ќе имаат привилегија да присуствуваат на BiMilk Academy, првата и единствена тримесечна сертифицирана академија чија цел е да го надгради нивниот голем потенцијал преку стекнување вештини неопходни за успех во 21виот век и кои се барани од работодавачите. Повеќе детали за академијата може да се најдат на: http://napag.mk/wp/bimilk-academy/ 

Дополнително, избраните стипендисти ќе се стекнат и со статус целосно членство во НАПАГ.

6. СЕЛЕКЦИЈА НА КАНДИДАТИТЕ

– Процесот на селекција ќе се направи врз основа на пратените апликации, при што само селектираните кандидати ќе бидат повикани на дополнително интервју. Кандидатите кои ќе бидат избрани да ја добијат оваа стипендија, ќе присуствуваат на академијата која започнува во април 2015 година. 

7. ЗА БИМИЛК

Со традиција уште од 1952 година, Млекара АД Битола – Бимилк денес е најголемиот производител на млеко и млечни производи во Р. Македонија, задоволувајќи ги секојдневно потребите на повеќе од милион потрошувачи. 

Млекара АД Битола поседува врвен стандард за управување со квалитетот и контрола на безбедноста на храната – ISO 22000 (интегриран стандард од HACCP и ISO 9001) и стандард за заштита на животната околина ISO 14000. Млекара АД Битола е единствена млекарница во Р. Македонија која поседува извозен број за извоз во земјите на Европската Унија, што е врвен доказ за квалитетот на производите.

Во општествена смисла Бимилк е олицетворение на вистински партнер со природата кој тежнее кон одржување и промовирање на здрав живот и здрава животна средина. Грижата и посветеноста на сите вклучени кооперанти, соработници, враотени и потрошувачи гсоздава совршен спој на пеиродата и иновативноста во нашите здрави и висококвалитетни производи, што всушност е она за што се залагаме.

Од 2007 година Млекара АД Битола е дел од најголемата групација на млечната индустрија на Балканот – Danube Foods Group. Почетокот на оваа година инвестицискиот фонд Mid Europa Partners, најголемиот инвестициски фонд специјализиран за инвестиции во централна и источна Европа, ја превзеде групацијата Danube Foods Group.